Rrjeti i OJQ-ve, Avonet, vlerëson se veprimet dhe qasja e opozitës në Kuvend nuk është modeli i duhur. Me anë të një njoftimi, rrjeti vë në dukje se është duke përcjellë me vëmendje zhvillimet politike në Kosovë dhe sidomos ato në Kuvend.
“Avonet, konsideron se veprimet e tilla dhe qasja e opozitës karshi qeverisë nuk është i një modeli të duhur për të tërhequr nënshkrimin e kryeministrit nga proceset që tashmë janë të njohura botërisht. Avonet shpreh shqetësimin për mospjekuri të bllokut opozitar, ku moslejimi i mbajtjes së seancave nuk është në dobi të interesit public dhe të proceseve. Blloku opozitarduhet t’I paraqesë argumentet dhe dëshmitë para qeverisë dhe organeve, por jo të pengojë punën e Kuvendit të Kosovës”, thuhet në reagimin e këtij rrjeti.
Sipas Avonet, blloku opozitar duhet të luftojë kundër grupeve të interesit, korrupsionit, nepotizmit dhe mosrespektimit të ligjit, barazisë nga mosdiskriminimi rajonal e politik, por jo të pengojë ecuritë e punëve që të gjithë deputetët janë të thirrur tëpërfaqësojnë interesin e qytetarëve të Kosovës.
“Kosova duhet ta ruajë imazhin dhe të krijohen kushte për zhvillim ekonomik, por jo të krijohet ambient jo i sigurtë. Prandaj veprimet e tilla janë në dëm të vendit dhe sjelljet e tilla krijojnë një gjendje jo të mire për vendin dhe imazhin e Kosovës. Partitë opozitare duhet të zgjedhin rrugën për të shprehur interesin publik, por jo të pengimit, e rrugës që nuk paraqet demokraci dhe drejt parlamentare dhe kjo është një rrugëtim drejt një kauze dhe bllokim institucional, e drejt një lufte civile”, thuhet në njoftim.
Avonet kërkon nga presidentja Atifete Jahjaga, që të ftojë partite dhe të arrijë marrëveshje për të tejkaluar një gjendje që mundet të krijojë situate të rëndë. /tesheshi.com/
