Në Sheshin e Kuq të Moskës, që nga viti 1945, çdo 9 maj mbahet një paradë ushtarake dhe kjo e këtij viti është bërë objekt talljeje në rrjetet sociale.
Presidenti rus Vladimir Putin investon shumë burime çdo vit për të demonstruar fuqinë ushtarake të vendit të tij. Por këtë vit ai nuk ia doli ta bëjë këtë.
https://twitter.com/i/status/1655844909276971008
Shumë përdorues të rrjeteve sociale vunë re se kjo ishte parada më e shkurtër ushtarake në vitet e fundit dhe një detaj tërhoqi vëmendje dhe komente të veçanta.
Konkretisht, në vend që të parakalonte tanke për disa orë, ushtria ruse në këtë ngjarje tregoi vetëm një tank, atë T-34, i cili u përdor në Luftën e Dytë Botërore. Për t’i bërë gjërat më keq, ky tank që mori pjesë në paradë është prodhuar gjithashtu në – Kharkiv, Ukrainë.
Gjithashtu, shumë venë re se në këtë paradë nuk kishte aviacion.
Këto detaje të paradës dikur masive ushtarake në Sheshin e Kuq u bënë objekt talljeje në Tqitter.
Komentet ishin të tilla: “Parada më poshtëruese në historinë e Rusisë”, “Kjo është gjithçka që u ka mbetur?”, “Është kaq patetike sa nuk mund të ndalem së qeshuri”, “Tanku i vetëm në një paradë budallaqe ruse”, “Ushtria e kllounëve”. /tesheshi.com/
