Nuk ka më konsensus me 140 deputetë në Kuvend për reformën në drejtësi.
Në votimin e parë që është zhvilluar sot në seancën e jashtëzakonshme për vettingun, 92 deputetë kanë votuar pro zëvendësimit të Jorida Tabakut me Gert Bogdanin në komisionin ad hoc për vettingun.
Deputetja e PD-së, Jorida Tabaku sapo është bërë nënë pasi ka lindur dy vajza binjake.
Pikërisht kjo ngjarje njerëzore ka detyruar Parlamentin të mblidhet në seancë të jashtëzakonshme.
Ende nuk merret vesh kush ka munguar apo kush ka votuar kundër, kjo do të bëhet e ditur ndoshta nesër kur të zbardhet procesverbali.
Seanca e jashtëzakonshme parlamentare ka nisur me një minutë heshtje për ish-kancelarin gjerman Helmut Kohl, për të vijuar më pas në pak minuta me votimin e ndryshimeve në komisionin ad hoc. /tesheshi.com/
