Të paktën 2012 persona kanë humbur jetën dhe 2059 janë lënduar nga tërmeti i fuqishëm që goditi Marokun, njoftoi Ministria e Brendshme, raporton Anadolu.
Nga të plagosurit, 1404 persona janë në gjendje kritike.
Vdekjet nga tërmeti me magnitudë shtatë ballë u regjistruan në rajone të ndryshme, duke përfshirë El-Houz, Taroudant, Chichaoua, Tiznit, Marrakech, Azilal, Agadir, Casablanca dhe Youssoufia, tha ministria në një deklaratë.
Mbreti Mohammed VI i Marokut, pas tërmetit që goditi vendin, shpalli tre ditë zie kombëtare gjatë së cilës flamujt në ndërtesat publike do të jenë në gjysmështizë.
Përveç kësaj, mbreti ngarkoi qeverinë të formonte një komitet ministror për programin e rindërtimit të shtëpive të shkatërruara nga tërmeti.
Ky është tërmeti më i fortë që ka goditur këtë vend të Afrikës Veriore në njëqind vitet e fundit, njoftoi Instituti Kombëtar i Gjeofizikës i Marokut. /tesheshi.com/
