Kreu demokrat Basha tha se kryeministri Rama nuk duhet besuar në lidhje me premtimin për rritjen 40 përqind të pagave në shëndetësi e arsim.
“Shikoni, premtime të pambajtura të këtij kryeministri dhe qeverie kemi kaq shumë saqë do t’u duheshin shumë orë.
I gjendur pranë një bilanci shumë negativ ky njeri s’ka rrugëdalje dhe përsërit të njëjtat premtime të pambajtura. Për shtatë vite me rradhë nuk ka patur asnjë rritje page. Nuk mendoj se shqiptarët sot presim që dikush që s’ka mbajtur premtime për kaq kohë t’i mbajë tani“, tha Basha.
Deklarimet e të parit të opozitës u bënë gjatë një takimi të tij me taksistë në kryeqytet, në një tur që synon të nxjerrë në pah, sipas tij, situatën e rëndë ekonomike. /tesheshi.com/
