Si u lidh Edi Rama me Shkëlzen Maliqin?! Si u afruan, ai dhe analisti kosovar që kurrë nuk i ka simpatizuar socialistët, madje ka qenë përgjithësht pranë PD-së me sondazhet e famshme të “Gani Bobit”?!
Pse kryeministri shqiptar e mori këshilltar për rajonin Shkëlzen Maliqin, edhe pse u përball me shumë e shumë kritika?!
Çfarë kanë të përbashkët dy intelektualët që punojnë së bashku prej vitit 2013?
Si ka mundësi që Edi Rama gjatë vizitës në Serbi u prit ngrohtë nga Dushan Janjiç dhe shoqëria civile në Beograd?!
Çka do të thotë bashkëpunimi me Remzi Lanin dhe Piro Mishën?
Po Tanja Fajon, pse është caktuar prej 7 vitesh si përgjegjëse për Shqipërinë dhe Kosovën në Parlamentin Europian dhe si shpjegohen lidhjet e saj të ngushta me liderët shqiptarë?!
Të gjithë këto pyetjem, në mos një përgjigje të përbashkët, duket se e kanë një rezultante.
Janë bashkëpunëtorë të ngushtë dhe veprimtarë të degëve të Fondacionit për Shoqërinë e Hapur që është themeluar dhe drejtohet nga multimiliarderi George Soros, një hebre hungarez që aktualisht është qytetar amerikan.
Prej vitit 1990, Fondacioni Soros ka qenë i pari dhe më i rëndësishmi organizëm perëndimor që ka qenë aktiv, ka financuar projekte dhe nxitur politika duke mbështetur aktorë të rëndësishëm pa u larguar asnjë ditë nga rajoni.
Soros është jo vetëm në Ballkan, por thuajse në të gjithë lindjen komuniste; ama në rajonin tona ka pasur një veprimtari permanente dhe aktualisht ky grupim politiko-social-kulturor ka arritur të ketë në pushtet dhe në pozicione kyçe vendimarrëse, pikërisht njerëzit që ka mbështetur dhe që i ka pikasur si talente jo vetëm në politikë.
Edi Rama është prej vitit 1990 një nga anëtarët e rëndësishëm të Bordit të Soros-it në Tiranë.
Shkëlzen Maliqi është drejtues i Fondacionit për Shoqëri të Hapur në Kosovë që prej vitit 2000.
Dushan Janjiç në Serbi, është një nga figurat intelektuale liberale të Serbisë që mbështet dialogun ndëretnik dhe ndërkulturor. Ai është përkrahur vazhdimisht nga Soros, dhe për këtë e kanë akuzar edhe qarqet ekstreme nacionaliste të Beogradit.
Rasti “Piveti”
Irene Piveti, ka qenë kryetare e Parlamentit të Italisë nga viti 1993 deri në vitin 1998.Ajo u zgjodh nga radhët e Lega Nord të Umberto Bossit, partisë indipendentiste të veriut që ishte ksenofobe ndaj shqiptarëve.
Në prillin e vitit 1997, Piveti akuzoi George Soros-in se po blen tokë në Shqipëri për të mbjellë kanabis dhe për ta bërë këtë drogë të lehtë që të shitet në mënyrë të ligjshme në Europë.
Në një intervistë të botuar në reviztën Familja Domani, Piveti tha: “Financieri më i madh botëror ka investuar në vendet e Ballkanit 15 milionë dollarë për të blerë tokë për të mbjellë drogra që të bëjë të mundur legalizimin e tyre në Itali. Sistemi politik në Shqipëri (1992-1997) ka qenë i dobët, një lloj kolumbie europiane”.
Nuk kaloi shumë dhe pas një viti zonja Piveti u largua përfundimisht nga politika; dhe, nga një vajzë e rezervuar dhe katolike praktikante u kthye në një yll reality show në televizionet komerciale italiane.
Këto deklarata as u kundërshtuar, por dhe as u komentuan atëherë.
Ndoshta vërtetë kanë qenë insinuata dhe spekulime, por fakt është që në disa vende të Europës kanabisi më pas u legalizua, dhe para dy vitesh ky debat u fut edhe në politikën Shqiptare, kurse njerëzit e George Soros po ngjiten fuqishëm në politikë.
Kornelia Ninova, një veprimtare e shoqërisë civile e mbështetur nga Fondacioni për Shoqëri të Hapur u zgjodh së fundi kryetare e Partisë Socialiste Bullgare. /tesheshi.com/
