Puna online e maskat e detyrueshme – këto janë vendimet mëtë fundit të qeverisë së Kosovës, duke parë dinamikën shqetësuese të rritjes së infektimeve nga koronavirusi.
Ministri i Shëndetësisë Armend Zemaj tha se ky zhvillim vjen vjen pas rritjes së numrit të rasteve me COVID-19 dhe pas rekomandimeve të Institutit Kombëtar të Shëndetësisë Publike të Kosovës (IKSHPK).
“Me qëllim të parandalimit të përhapjes së COVID-19, IKSHPK na ka rekomanduar si Ministri të Shëndetësisë, dhe pas takimit me Komitetin për menaxhimin e pandemisë, kërkoj që të përkrahni vendimin e Ministrisë që konsiston që institucionet publike dhe private obligohen të organizojnë punën me stafin e tyre në distancë fizike, apo nga shtëpitë e tyre (në mënyrë) online, në funksion të kryerjes së detyrave dhe përgjegjësive bazuar në legjislacionin në fuqi, që nënkupton reduktimin e stafit.
Të gjitha institucionet publike dhe private obligohen të shtojnë kontrollet të bartjes së maskave në hyrje të çdo institucioni”, ka thënë Zemaj.
Me këtë vendim të miratuar, manuali i Ministrisë së Shëndetësisë për mbrojtjen nga përhapja e COVID-19, është bërë obligativ. /tesheshi.com/
