Çmimi i ujit në Tiranë do të rritet me 20 lekë duke nisur që nga muaji janar i vitit të ri, por propozimi i kryebashkiakut Erjon Veliaj duhet të kalojë në Këshillin Bashkiak.
Këshilltarët bashkiakë të LSI-së kanë ngritur kurthin e parë për kryebashkiakun socialist edhe pse nuk e kanë deklaruar votën e tyre kundër për këtë propozim.
Këshilltarët e LSI-së kanë kërkuar një dëgjese publike të Veliajt për këtë vendim.
Ata kanë lajmëruar organizimin e një takimi të hapur me qytetarë të Tiranës sot në orën 18:00 për të diskutuar rreth çështjes së rritjes se çmimit të ujit të pijshëm në Tiranë dhe i kanë bërë ftesë edhe Veliaj që të jetë i pranishëm.
LSI po shfrytëzon pakënaqësinë që kanë shfaqur qytetarët pas bërjes publik të propozimit.
Ndërkohë bashkia e ka mbrojtur propozimin e saj me pretendimin se me rritjen e çmimit do të bëhet e mundur që të vijë ujë i pijshëm në çezmat e Tiranës. Deri më tani uji i Tiranës nuk përdoret si ujë i pijshëm. /tesheshi.com/
