Anëtarja e Këshillit Bashkiak të Tiranës, Reila Bozdo, ka reaguar ditën e sotme në lidhje me rritjen e çmimit të biletës së shërbimit urban në qytetin e Tiranës, ndërsa ka akuzuar kryebashkiakun Veliaj se ka vepruar si kusar, në lidhje me këtë rast.
“Erion Veliaj vendosi dje të rrisë çmimin e biletës për qytetarët e Tiranës. Zgjodhi si kusar mesnatën të fuste sërish duart në xhepat e qytetarëve dhe t’ju marrë dhe qindarkat e fundit që i kanë mbetur. 5.5 milionë dollarë më shumë në vit do t’i kushtojë qytetarëve të Tiranës rritja e çmimit të biletës në 33% nga 300 ne 400 lekë të vjetra”,- tha Bozdo.
Ajo shtoi se Veliaj mund të kishte vepruar ndryshe, duke i kërkuar qeverisë së tij të hiqte akcizën e naftës për transportin publik. “Veliaj mund të kishte parashikuar një pjesë të 120 milionë dollarë taksa që kërkon të mbledhë për të financuar transportin publik”,- shtoi Reila Bozdo.
Në emër të këshilltarëve të Partisë Demokratike ajo u bëri thirrje qytetarëve të Tiranës të reagojnë me të gjitha format e mosbindjes civile për të detyruar sprapsjen e këtij krimi të shëmtuar korruptiv./tesheshi.com/
