Një rritje e çmimit të benziës ka bërë që në Iran të shpërthejnë protesta masive, shoqëruar dhe me akte të dhunshme e me viktima po ashtu. Protestat më të mëdha e me të ashpra u zhvilluan në qytetet Ahvaz, Khorramshahr, Birjand, Mashhad, Gecsaran, Sirjan, Bandar Abbas, Isfahan dhe Shiraz.
E megjithatë, autoritetet i kanë ato politikisht, duke mos qenë të bindur në vetëm arsyet ekonomike.
Prokurori i Përgjithshëm Muhamed Jafer Muntazeri tha se protestat ishin organizuar jashtë vendit dhe njoftoi përgjigje të ashpra për këdo që përpiqet të kërcënojë rendin publik në Iran.
“Prapa kësaj janë disa qarqe po përdorin baza trajnimi virtuale për të provokuar njerëzit. Unë paralajmëroj këta të huaj, se këto aktivitete do të trajtohen si vepër penale, dhe forcat e sigurisë dhe gjykatat do të përgjigjen ashpër”, tha Muntazeri.
Më parë, ndërmarrja iraniane e naftës tha se qeveria e Iranit do të vazhdojë të japë subvencione për 60 litra benzinë në automjet në muaj, por litri do të rritet nga 1.000 në 1.500 rialë (nga 0.09 dollarë në 0.13 dollarë).
Presidenti Hasan Rouhani tha se pas katër vjetësh, vendi pati rritjen e parë të çmimit të karburantit në vend, dhe se qeveria e bëri atë në interes të popullit dhe do të ndihmojë njerëzit me të ardhura më të ulëta nga rritja e të ardhurave.
Edhe Khamenei, duke mbështur rritjen e çmimit, pretendoi se protestat janë të nxitura nga jashtë
“Mungesa e sigurisë është dëmi më i madh për çdo vend dhe shoqëri. Kjo është ajo që kërkohet,” tha Khamenei. /tesheshi.com/
