Policia e Kosovës rriti nivelin e sigurisë në zonën e ndërtesës së qeverisë, ndërsa kryeministri Isa Mustafa prej sot do të lëvizë me makinë të blinduar.
Qeveria mori në konsideratë e miratoi 12 rekomandime për rritjen e nivelit të sigurisë, si dhe ka nisur zgjatjen e rrethimit të ndërtesës së qeverisë.
“Policia e Kosovës ka marrë 12 rekomandime, të cilat i ka dorëzuar te sekretaria e qeverisë, njëra prej të cilave është edhe cënimi i sigurisë, që ka të bëjë me zgjatjen e rrethimeve. Sekretari i qeverisë ka marrë vendim që të zbatojë menjëherë këto rekomandime”, tha Arban Abrashi, zëdhënës i Qeverisë së Kosovës.
Abrashi nuk komentoi në lidhje me faktin se këto masa të reja sigurie vijnë në një kohë që është shtuar aktiviteti opozitar në Kosovë si dhe pas thirrjeve për protesta kundër nënshkrimit të marrëveshjeve të fundit me Serbinë në Bruksel.
Ndër rekomandimet e tjera nga policia, është edhe vendosja e alarmeve, plani për evakuim emergjent të personelit. /tesheshi.com/
