Numri i migrantëve të huaj të cilët vijnë nga zonat me konflikte të armatosura sa vjen e shtohet në rajon.
Edhe Kosova po përballët me azil kërkuesve të vatrave të luftës, kryesisht nga Siri.
Në Ministrinë e Punëve të Brendshme kanë bërë të ditur se Kosova ka kapacitete për tu përballur me migrantë që vinë nga vatrat e luftës “Ne bazë të planit të reagimit, Kosova për momentin ka kapacitete për akomodimin rreth 3000 persona”, ka bërë të ditur për lajmi.net, zyra për komunikim publik e Ministrisë së Punëve të Brendshme.
Në Ministri kanë thënë se, sipas planit të reagimit, kostoja buxhetore është rreth 6 milionë e 500 mijë euro, po që në këtë rrafsh, thonë se presin ndihma nga UNHCR, IOM dhe organizata tjera relevante vendore dhe ndërkombëtare.
“Në këtë kuadër, ne ndihmohemi edhe nga organizatat që merren me refugjat, siç është UNHCR, etj. Gjithashtu, policia dhe Departamenti për Shtetësi, Azil dhe Migracion (DSHAM), ka trajnuar stafin tjetër te tyre që të përgjigjen si mbështetje në rast te ndonjë fluksi të mundshëm”.
MPB bën të ditur se, Kosova ende nuk është përfshirë nga lëvizjet e mëdha migratore për arsye të ndryshme, përfshirë këtu edhe pozitën gjeografike.
“108 azil-kërkues për gjashtë-mujorin e parë të vitit 2018, dhe 81 azil-kërkues për gjashtë-mujorin e parë të vitit 2017. Shumica nga këta 108 azilkërkues tanimë janë larguar nga Kosova”, thotë MPB.
Sipas statistikave të ofruara nga MPB, si rezultat i lëvizjeve të mëtutjeshme të njerëzve përgjatë tremujorit të parë dhe të dytë 2018 ka një rritje të numrit migranteve të rinj në: Greqi, Bosnja dhe Hercegovinë, Mali i Zi, Shqipëri dhe Serbi. Në të gjitha këto shtete, për disa herë është rritur numri i migrantve në krahasim me periudhën e njëjtë të vitit 2017. /tesheshi.com/
