Kërkesa për ushqimin organik ka kapur nivelin më të lartë të një dekade, kjo sipas kompanive të mëdha të zinxhirit të furnizimit të tregjeve. Një gjë e tillë përbën një lajm të mirë për një industri që u godit fort nga kriza ekonomike e viteve të fundit, por që tashmë duket se po kthehet në gjurmën e duhur pasi gjithnjë e më shumë blerës thonë se ia vlen të paguajnë çmime ekstra për ushqim organik.
Këtë javë, shoqata e tokave bujqësore pritet të publikojë edhe raportin e përvitshëm për gjendjen e tregut të ushqimeve organizke, që pritet të tregojnë edhe shifrën me të cilin është rritur nga viti i kaluar.
Ndërkohë, kompania “Tesco” thotë se në dyqanet e saj, shitja e ushqimeve organike është rritur me 15 për qind. Ndërsa shërbimi i transportit në shtëpi “Ocado” që tregton me shumë se 3 mijë produkte organike, thotë se shitjet janë rritur me 16 për qind.
Në mënyrë domethënëse, shitjet e produkteve ushqimore organike po rriten në të gjtihë sektorët, e jo vetëm tek frutat dhe perimet. Gjithnjë e më shumë konsumatorë po blejnë peshkun, prodhimet e bulmetit dhe mallra të tjerë ushqimorë organikë, si vaji i ullirit, makarona dhe salca gatimi. Por ekspertët thonë se çmimi është ende një faktor madhor që pengon kthimin e konsumatorëve tek ushqimi organik. /tesheshi.com/
