Java e ardhshme do jetë prova finale nëse Kosovës do i hiqet regjimi i vizave. Kjo pasi zyrtarë qeveritarë në Prishtinë kanë intensifikuar zërat se shumë shpejt, pse jo nga java tjetër, Komisioni Evropian do të japë rekomandimin e saj për liberalizimin e vizave për qytetarët e Kosovës.
Ishte ministri i integrimeve europiane, Bekim Çollaku, ai që më së pari e bëri këtë paralajmërim, që u pasua më pas dhe nga presidenti Thaçi.
Ndërkohë që dhe arrestimi i deputetit Azem Syla, i akuzuar për korrupsion, është përkthyer si një “pagesë” ndaj kërkesave të Brukselit për të bërë të mundur liberalizimin e vizave.
Qeveria e Kosovës pretendon se tashmë i ka përmbushur kushtet për të marrë nga Brukseli atë që iu mohua muaj më parë, liberalizimin e vizave, që do ishte dhe e vetmja kartë suksesi e qeverisë “Mustafa”, krijuar nga koalicioni paszgjedhor LDK-PDK.
Nëse do të ndodhë kjo, do jemi një koinçidencë në politikën mbarëshqiptare, pasi dhe liberalizimi i vizave për Shqipërinë u bë gjatë qeverisjes së koalicionit PS-LSI. /tesheshi.com/
