Një aksion i ndërrmarë nga policia rrugore në orët e pasdites është mbyllur me afro 1500 masa administrative, ku vendin më të madh e ka zënë natyrisht rripi i sigurimit, arsyeja kryesore për të cilin dolën në terren afro 1200 forca policore.
“Aksioni synoi goditjen e paligjshmërisë, kryesisht atë që lidhet me zbatimin e nenit 170 të Kodit Rrugor, për mos vendosjen e rripit të sigurimit.
Ne total ne te gjithe vendin u vendosen 1495 masa administrative:
Nga keto 950 per mos vendosje te rripit te sigurimit ,
Si dhe per shkelje te tjera u vendosen 545 masa administrative.
Operacioni i zhvilluar kishte për qëllim rritjen e parametrave të sigurisë rrugore, ndërgjegjësimin e qytetareve për rëndësinë e vendosjes së rripit të sigurimit por edhe të respektimit të rregullave të qarkullimit rrugor në tërësi.
Policia Rrugore edhe në ditët në vijim do të vijojë me intensitet punën për ndëshkimin e çdo shkelje të kodit rrugor, duke u fokusuar më shumë në drejtim të ndëshkimit të drejtueseve të automjeteve që perdorin pije alkoolike, që përdorin celularin dhe nuk respektojnë normën e vendosjes së mjeteve të fiksimit” , thuhet në komunikatën e lëshuar nga autoritetet e rendit. /tesheshi.com/
