Një operacion “Blici rrugor” i ndërmarrë nga Policia e Shtetit, ka penalizuar 800 drejtues mjetesh në mbarë vendin në vetëm dy orë, ku gjysma e të ndëshkuarve kanë qenë për mosvendosjen e rripit të sigurimit.
Sipas të dhënave që publikuan autoritetet e Rendit, janë 420 masa administrative për rripin dhe 441 masa të tjera për shkelje të ndryshme, si shpejtësi tej normave të lejuara, për përdorim celulari në drejtim apo për mosvendosje të kaskës mbrojtëse në rastin e motoçikletave.
Forcat policore të angazhuara në këtë aksion kanë qenë fiks 780 sosh, ku janë përfshirë efektiva të Policisë Rrugore, të Patrullave të Përgjithshme, të mbështetura dhe nga patrullat “Shqiponja”. /tesheshi.com/
