Nga Blendi Gashi
Partia më e vogël opozitare NISMA për Kosovën, ka dalë vendimtare për rrëzimin e Isa Mustafës nga pushteti. Fatmir Limaj, pasi mocioni i inicuar nga kjo parti dhe mbështetur më pas nga Vetëvendosje dhe AAK, ka gjetur përkrahjen edhe të PDK-së.
Nga 114 deputet në sallë, 78 votuan pro rrëzimit të qeverisë, 34 kundër dhe tre deputet abstenuan, duke bërë që vendi të shkojë në zgjedhje të parakohshme.
Kjo aspak nuk u ka pëlqyer deputetëve të LDK-së, të cilët siç duket të zënë në habi, më pas morën fjalën duke hedhur akuza në drejtim të PDK-së, se ua ka luajtur lojën prapa shpine.
Por të njëjtit asnjëherë nuk e përmendën se si Mustafa tre vjet më parë tradhëtoi bllokun opozitar VV, AAK, NISMA duke lidhur koalicion me PDK-në, çka ngjalli edhe shumë reagime të shumta tek vetët partia e Mustafës.
Ja si u përplasën PDK-LDK në seacën e fundit
Ndërsa në gjitha seancat tjera mungonte kabineti qeveritar, në këtë seancë të gjithë ishin të ulur në kolltuket e tyre, ashtu si edhe deputetët, ndoshta disa për herë të fundit.
Si rrallëherë, deputetët e LDK-së ishin më të zëshmit ku pothuajse të gjithë morën fjalën duke hedhur akuza në drejtim të PDK-së për krim e korrupsion.
E gjitha u ndes pas fjalës së inicueses së mocionit Valdete Bajrami nga NISMA që kërkoi nga deputetët të votojnë mocionin, ku fjalën e mori kryeministri Isa Mustafa, i cili mbajti një fjalim të fortë anti-PDK, duke qenë i vetëdijshëm se po fundoset.
Ai mocionin e quajti pamflet politik, me qëllim të destabilizimit të vendit dhe pa asnjë vlerë juridike.
Ai tha se mocioni është bërë për fshehjen e adresave për afera korruptive, dëmet shumë milionëshe të parasë publike.
Mustafa, ka lavdëruar qeverinë e tij ku ka përmendur shumëreforma kryesisht në zhvillim ekonomik, derisa ka numërur skandalet e qeverisë Thaçi 1 dhe Thaçi 2.
“Kjo qeveri nuk ka pasur asnjë rast korruptiv. Kjo qeveri ka trashëguar pasojat e disa parregullsive në të kaluarën, e njëra nga to është kontrata me Z-Mobile”, tha ai, duke shtuar se kjo ishte një kontratë e dëmshme për PTK-në dhe për Kosovën.
“Dikush duhet të përgjigjet për këtë kontratë sepse pasojat e saj janë të dëmshme. Kjo çështje i takon drejtësisë dhe i apeloj drejtësisë të procedojë me këtë rast. Pastaj AXOS. Ky proces ka dështuar në vitin 2013. Qeveria që unë udhëheq ka menaxhuar më së miri pasojat e kësaj marrëveshjeje të dëmshme përball një padie të padrejtë e të pabazuar. AXOS nuk ka qenë investim, por mashtrim”, u shpreh kryeministri.
“Edhe rasti i pasaportave qe një mashtrim dhe mjerisht një epilog skajshmërisht i dëmshëm për qeverinë e Kosovës. Është nisur në kohën kur ne nuk ishim në qeveri dhe as LDK nuk ishte përgjegjëse për këtë ministri”, theksoi Mustafa.
Por nuk ka vonuar shumë shefi i grupit parlamentar të PDK-së, Zenun Pajaziti, i ka replikuar kryeministrit Mustafa, i cili në fjalimin paraprak i ka përmendur disa nga të arriturat që janë bërë gjatë qeverisjes së tij.
Pajaziti i ka thënë Mustafës se nuk është mirë që ta lëvdojë punën e tij pa i përmendur edhe bashkëpunëtorët e tij.
“Kryeministër, nga ajo që unë dëgjova nuk kisha pas dëshirë që sot t’i prezantoni vetëm disa bashkëpunëtorë të tu. Do të dëshiroja që ti sot të jesh përfaqësues i koalicionit, partisë tënde, i Qeverisë dhe gjithë qytetarëve pa dallim. Këto mocione nuk po ndodhin për herë të parë. Këto që i përmendi kryeministri ynë janë suksese që janë arritur me angazhimin e të gjithëve, burrave dhe grave që kanë kontribuar me vite. Ky mocion është sepse në këtë vend ka ngecje, mungesë të vendeve të punës“, tha Pajaziti.
Antoni Quni: Po rri në politikë se dua ta shoh Veselin e Thaçin prapa grilave
Më kritiku ndaj PDK-së ka qenë deputeti i LDK-së, Anton Quni, ku i shpalli “luftë”, Thaçit e Mustafës, duke thënë se do qëndron në politikë, pasi dëshiron t’i shohë prapa grilave, dhe se i njeh si frikacak edhe në vijat e frontit.
“Ju jeni arsyeja që më detyroni të qëndroj ende në Parlament. Ndoshta e shihni fitimar vetën në këtë betejë, por do shihemi në finale për manipulimet që keni bërë. Mua po më detyroni të rri në Parlament derisa t’iu shoh prapa grilave.
Ky është një skenar i juve. Ju jeni përgjegjës edhe për sigurinë e deputetëve, dhe nuk iu keni ofruar siguri. Të tillë keni qenë edhe në luftë. Z. Veseli ju vini nga një formacion shumë i dyshimtë që duhet të jepni përgjegjësi para qytetarëve. Ju me ato metoda që keni përdor para dhe pas lufte, mendoni ta udhëheqni edhe qeverinë. Jeni të bindur se në finale keni me u demaksu. Ju nuk jeni për rendin kushtetues, për integrimin në familjen evropaine, sepse keni frikë se duhet të jepni llogari pse u instalua krimi i organizuar, për gjendjen në veri. LDK do jetë këtu dhe do ballfaqohet edhe në betejat e ardhshme”, tha Quni.
Menjëherë iu kundërpërgjigj, kryekuvendari Veseli i cili i tha Qunit se nuk e di si foli ai, si profet apo si.?
“Për këto si fole, folim si të duash”, iu kundërpërgjigj Veseli, deputetit Quni.
Kapen Tërmkolli e Pajaziti
Deputetja e LDK-së, Melihate Tërmkolli,vuri dyshimet e saj se prapa mocionit opozitar qëndron PDK, për çka tha se nuk është mirë të fshihet.
“As fëmijët nuk munden me përbi hipokrizinë. Se ishte hipokrizi nuk do fjalë, por mos u bëni qesharak”, tha Tërmkolli.
Asaj iu përgjigj deputeti Zenun Pajaziti i cili tha se pa hipokrizi duhet të punohet për të mirën e qytetarëve.
“Le të merren fjalimet dhe le të shihet kush i ka kontribu koalicionit në kohën e fundit”, tha Pajaziti.
Pak fushatë zgjedhore në Kuvend
Edhe deputetja tjetër e LDK-së, Besa Gaxherri, tha se qeveria “Mustafa” është shembull për luftën kundër krimit e korrupsionit, derisa ia përmendi PDK-së, se gjatë dy mandateve të saj janë vjedhur dhoma e dëshmive në polici, vjedhja e arit poashtu në polici në Pejë, e disa skandale tjera që i cilësoi ajo, derisa bëri pak fushatë ku tha se vendi ka nevojë për qeverisjen e LDK-së për të shpëtuar nga rrjetet kriminale.
“LDK është subjekti i vetëm që nuk ka hipoteka kriminale”, tha ajo.
Ndryshe, sipas raportimeve zgjedhjet e parakohshme do mbahen më datë 11 qershor.
Kujtojmë se marrëveshja e koalicionit u nënshkrua në dhjetor të vitit 2014-të nga Hashim Thaçi dhe Isa Mustafa pas një krize disa mujore. /tesheshi.com/
