Shtatë ushtarakë amerikanë kanë vdekur pasi u rrëzua një helikopter në Perëndim të Irakut. Pentagoni bëri të ditur se rrëzimi i helikopterit nuk është provokuar nga një sulm armik.
Gjenerali Jonathan Braga, kreu i Komandës së Koalicionit Ndërkombëtar ndaj ISIS-it, tha se ka nisur menjëherë një hetim për rënien e helikopterit.
Mjeti ushtarak i modelit HH-60 Pave Hawk, ka rënë pranë Qaim, një lokalitet pranë kufirit me Sirinë.
Një tjetër helikopter amerikan që shoqëronte të rrëzuarin ka dhënë alarmin forcës së ndërhyrjes së shpejtë, e cila përbëhet nga ushtarakë amerikanë dhe irakenë të cilët kanë mbërritur menjëherë në zonë. /tesheshi.com/
