7 persona humbën jetën,ndërsa 8 të tjerë mbetën të plagosur pasi një helikopter ushtarak turk u rrëzua në provincën Giresun në Turqinë veriore.
Mediat turke raportojnë se helikopteri u rrëzua në rajonin malor Tohumluk, rreth orës 5:30 pasdite sipas orës lokale.
Në helikopterin Sikorsky S-70 udhëtonin 15 persona, mes tyre tetë ushtarakë turq, përfshirë komandantin Mustafa Dogru, një kolonel, dy majorë dhe pjesëtarë të xhandarmërisë, sëbashku me katër gra të ushtarakëve dhe tre fëmijë.
Ai ishte rrëzuar pas vizitës që komandantët e lartë ushtarakë u kishin bërë ushtarëve për festën e Bajramit.
Ekipet e shpëtimit janë dërguar në vendin e ngjarjes. Shkaku i rrëzimit është i panjohur. /tesheshi.com/
