Rrëzimi i një avioni ushtarak në Algjeri, përflitet të ketë shkaktuar mbi 100 viktima.
Tragjedia ndodhi në afërsi të bazës ajrore “Boufarik”, ku avioni i tipit “Ilyushin Il-78” sapo ishte ngritur nga pista kur u rrëzua.
Aeroplani mbante rreth 200 ushtarakë, tha një stacion televiziv lokal.
Një duzinë ambulancash e zjarrfikësish u dërguan në vendin e ngjarjes dhe personat e plagosur u transferuan në spital.
Baza “Boufarik” ndodhet në veri të Algjerisë, pranë detit Mesdhe, rreth 30 kilometra nga kryeqyteti, Algjer. /tesheshi.com/
