Kryeministri i Kosovës, Isa Mustafa dhe ministri i Ambientit dhe Planifikimit Hapësinor, Ferat Shala, kanë mbajtur një konferencë për shtyp për të komentuar rrëzimin e murit serb në anën veriore të Mitrovicës në afërsi të Urës së Ibrit. Që të dy zërat qeveritarë e kanë konsideruar atë si një “sukses politik”, duke premtuar se nuk do ketë mur tjetër.
Duke iu referuar projektit të ri, ku ashiqare shihet një tjetër mur, pak më larg por më i lartë, ministri Shala tha se Ai është plan në kuadër të kritereve dhe standardeve si në gjitha qytetet e Kosovës, do të jetë një shesh si të gjitha sheshet”.
“Do të ketë objekte përcjellëse që janë në çdo shesh. Çdo veprim që do të bëhet aty do të jetë në bazë të një projekti, dhe në bazë të lejes që i ka kaluar tanimë të gjitha instancat”, theksoi Shala.
Por zëra opozitare pretendojnë të kundërtën. Dardan Molliqaj nga Vetëvendosje tha se muri vetëm sa do spostohet pak më tutje.
Ndërkohë që dhe mediat serbe e kanë quajtur rrëzimin e murit një “rikonstruksion”
Ndërsa përfaqsuesja e BE-së në Prishtinë, Natalya Apostolova, tha se “nuk do të ketë më mure në Mitrovicë, ndërsa pas kësaj do të formohet edhe Asociacioni i Komunave me shumicë serbe”. /tesheshi.com/
