Ministria e Mbrojtjes nuk i ka dorëzuar Prokurorisë procesverbalin e lëvizjes së helikopterit EC145 që u rrëzua javën e shkuar në liqenin e Shkodrës.
Dhe kjo ka sjellë një konflikt të hapur mes dy institucioneve.
Ushtria ka bërë të ditur se materialet e shkruara, së bashku me kutinë e zezë, do t’i dorëzojë pas mbylljes së hetimit nga komisioni i përbashkët i Flotës Ajrore dhe kompanisë franceze, Eurokopter.
Por kjo ka acaruar Policinë e Shkodrës e cila ka regjistruar një hetim për mosfluturimin e rregullt të helikopterit.
Siç mësohet nga burime të tesheshi.com, në prokurorinë e qytetit verior, aty ku dhe ndodhi aksidenti me pasojë dy ushtarakë të vdekur, hetimi për këtë çështje ka nisur pikërisht duke aluduar një nxjerrje të helikopterit jashtë rregullave të përcaktuara.
Prokuroria e Shkodrës ka marrë për bazë Kodin Penal Usharak i cili prej kohësh nuk zbatohet më.
Oficerët Florian Deliaj dhe Donald Hoxha humbën jetën pas rrëzimit të helikopterit për të cilin shefi i Shtabit tha se u ngrit me mision stërvitor. /tesheshi.com/
