Një defekt teknik apo një gabim i pilotit, mendohet të jenë shkaqet e rrëzimit të avionit Tu-154 Aircraft Crash i forcave ajrore ruse në ujrat e Detit të Zi. Mediat ruse kanë publikuar pamje të vendit të rrëzimit, ku sigurisht nuk duket asgjë pasi gjithçka ka përfunduar në thellësitë e detit.
Siç informoi zëdhënësi i Ministrisë së Mbrojtjes ruse, Igor Konashenkov, shtatë anije detare dhe një helikopter janë përfshirë në operacionin e kërkimit të gjurmëve të avionit, ku vetëm disa sende janë dukur në sipërfaqe. Thellësia ku gjendet mendohet të jetë 50 deri në 70 metra.
Në avion ndodheshin 91 persona, duke përfshirë 83 pasagjerë dhe tetë anëtarë të ekuipazhit. Ai u nis nga Soçi dhe pas 20 minutash fluturim u shduk nga radarët. Destanacioni ishte një bazë ajrore e trupave ruse në Siri, ku do të jepej një koncert për Krishtlindjet dhe Vitin e Ri. Pjesa më e madhe e pasagjerëve i përkiste ansamblit ushtarak “Aleksandrov”. /tesheshi.com/
