Po tentonin të bënin selfie ndërsa ishte duke ardhur treni. Kjo është një nga çmenduritë e fundit që ka prekur shumë të rinj. Një modë e cila përfshiu edhe disa fëmijë mes 15 dhe 17vjeç në qytetin italian të Chioffias.
Ata po qëndronin në binarë për të bërë fotografinë ndërsa treni ishte duke ardhur, në afërsi të një qendre tregtare. Një situatë shumë e rrezikshme, e ngjashme me mjaft të tjera të ndodhura edhe më parë.
Policia lokale ndaloi katër prej të rinjve. Me shishe birre në dorë dhe sjellje tejet agresive, të rinjtë fillimisht u munduan të shpjegonin se përse ndodheshin aq afër binarëve. Më pas, e vërteta doli në shesh: kishin rrezikuar jetën vetëm për një fotografi. /tesheshi.com/
