Drejtoresha e Përgjithshme e Kufirit dhe Migracionit, Aida Hajnaj, reagoi në lidhje me kërkesën e institucioneve holandeze drejtuar qeverisë së këtij vendi, për rikthimin e vizave ndaj shqiptarëve.
Ajo u shpreh se nuk ka pasur asnjë ankesë nga pala holandeze për problematika të shtetasve shqiptarë që udhëtojnë apo qëndrojnë në këtë shtet në kuadër të marrëveshjes Shengen.
Sipas saj, në bashkëpunim me palën holandeze do të punohet për evidentimin e rasteve të përfshirjes në veprimtari kriminale të shtetasve shqiptarë në Holandë.
Komentet Hajnaj i bëri pas një inspektimi në doganën e Kakavijës, ku garantoi marrjen e masave maksimale për shmangien radhëve në kufi për emigrantët që kthehen në Greqi pas përfundimit të pushimeve. /tesheshi.com/
