Unë jam kundër ruajtjes së konfliktit të ngrirë dhe ne po përpiqemi të bëjmë një kompromis me shqiptarët”, tha së fundi presidenti i Serbisë Aleksandar Vuçiç.
Ai e tha këtë në Beograd, në hapjen e dialogut të tretë për çështjen e Kosovës me përfaqësuesit e Konventës Kombëtare për BE-së, e cila bashkon rreth 700 organizata të shoqërisë civile.
“Rasti i Armenisë dhe Azerbajxhanit na ka treguar se sa të rrezikshme janë të ashtuquajturat konflikte të ngrira. Sepse një ditë, gjithçka që është e ngrirë do të shkrihet nga dikush”, arsyetoi Vuçiç.
Ai ka vlerësuar po ashtu se reagimi i bashkësisë ndërkombëtare ndaj ripërtëritjes së konfliktit në Nago-Karabak ishte i vakët dhe se kjo mund të shërbente si një mësim për Serbinë.
“Kjo na tregon shumë mirë që kohërat në botë kanë ndryshuar, se ka interesa të veçanta më të fortë në krahasim me interesa me të vogla grupore, të cilat kanë ekzistuar më herët…”, theksoi Vuçiç. /tesheshi.com/
