Është vetëm 6 muajshe por ka bërë mjaft rrëmujë dhe për fat të mirë, një djalosh i moshës 27-vjeçare nga Amerika, ka rrezikuar jetën e tij për ta shpëtuar. Djali ishte duke drejtuar makinën e tij tip Merecedes, ndërsa dy adoleshentë që ishin duke parë në majën e një peme e cila zgjatej mbi një urë i tërhoqën vëmendjen. Ai ndaloi për ti pyetur nëse kishin nevojë për diçka, por aty kuptoi se në majën e pemës ndodhej një mace e frikësuar.
Kështu vendosi të zvarritej për ta çuar macen në një vend të sigurt, por kafsha nisi t’ia mbathë duke rrezikuar rënien në ujin e lumit. 27-vjeçari zbriti nga pema dhe u hodh në ujë duke e shpëtuar atë nga mbytja. Por, nëse dikush mund të mendohu se gjithçka përfundoi me kaq, e ka gabim.
Macja, gjithmonë e më e trembur, sapo preku tokën, e trembur nga shpëtimtari i saj, vrapoi për tu fshehur në brendësi të motorit të makinës së 27-vjeçarit. Çdo tentativë për ta nxjerrë prej andej ishte tërësisht e kot. Prej aty kjo kafshë nuk kishte asnjë plan të ikte.
Të riut nuk i ngeli tjetër veç se të lajmëronte karotrecët për të thirrur në ndihmë edhe mekanikët, në mënyrë që të nxirrnin shëndoshë e mirë macen nga vendi ku ishte fshehur. Pasi u tha dhe u ushqye mirë, felini u çua tek një veteriner, i cili përcaktoi se ishte në gjendje të mirë shëndetësore dhe deklaroi moshën e saktë të maces.
Kur dikush e pyeti djalin se përse ishte impenjuar kaq shumë për të shpëtuar të voglën, ai ngriti supet dhe tha se ndoshta, ishte një arsye më shumë për të bindur fëmijën e tij se adoptimi i një maceje në ambientet ku ata jetojnë, do të thotë ‘disa probleme më shumë’./tesheshi.com/
