Një kompani e njohur por e diskutueshme nga Britania e Madhe shiste pjesë për avionë reaktivë bazuar në certifikata false, shkruan Wall Street Journal, siç raporton New York Post.
Ato pjesë të motorit përfunduan në të paktën 126 avionë në mbarë botën.
Shumë avionë të linjave ajrore të famshme janë në rrezik – kompanitë amerikane, Delta, United u detyruan t’i tërheqin disa avionë nga shërbimi.
Nuk dihet se sa kohë kanë fluturuar këta avionë me falsifikime, pasi ky mashtrim u zbulua për herë të parë nga një kompani ajrore evropiane në qershor të këtij viti.
Kjo kompani është themeluar në vitin 2015 në Britaninë e Madhe nga Hoez Alexander Zamora. Ai është 35 vjeç dhe me origjinë nga Kolumbia.
Linjat ajrore më të mëdha amerikane e kanë paditur këtë kompani për përfitime mashtruese, të cilat dyshohet se janë të paktën tre milionë dollarë. Kompania e ka hasur për herë të parë këtë problem më 21 qershor kur një kompani ajrore nga Portugalia raportoi se kishte një problem dokumentacioni me një pjesë të vogël të quajtur silenciator.
Sipas tyre, ajo pjesë ka qenë më e vjetër se sa shkruhet në letra. Madje ata pretenduan se firma ishte e falsifikuar.
Në 20 ditët në vijim, e njëjta linjë ajrore deklaroi se ka pasur problem me 24 dokumente të tjera. U konstatua se pjesët e përmendura kishin letra të falsifikuara dhe këtu nisi të zhvillohej historia. /tesheshi.com/
