Rreth dy milion muslimanë u tubuan këtë të dielë në “Malin Arafat”, në një ndër ditët më të rëndësishme të pelegrinazhit vjetor të Haxhit.
Autoritetet saudite përdorën dronët për të mbajtur nën vëzhgim turmat e njerëzve në vendin e shenjtë.
Shumë haxhilerë kanë shfrytëzuar rastin për t’u lutur për njerëzit në vendet e përfshira nga luftërat, si Siria, Jemeni dhe Iraku.
“Po, dëshiroj të lutem për Jemenin dhe për njerëzit në Siri dhe Irak dhe të gjithë muslimanët e shtypur”, thotë Mahdi al Ahdal, një pelegrin jemenas. “Zoti i udhëzoftë të gjithë muslimanët.
Mali i Arafatit, apo Mali i Mëshirës, afër Mekës, është vendi ku Pejgamberi Muhamed ka mbajtur fjalimin e fundit.
Prej aty, besimtarët do të vazhdojnë në drejtim të zonës Jamarat për të kryer fazën tjetër të Haxhit.
Qeveria saudite ka shpenzuar miliarda dollarë për të zgjeruar rrugët për në Jamarat, pas shtypjes dhe vdekjes së disa qindra haxhinjve në vitin e kaluar. /tesheshi.com/
