Rreth 150 studiues nga vende të ndryshme të Botës do të bashkohen në edicionin e sivjetshëm të Seminarit Ndërkombëtar për Gjuhën, Letërsinë dhe Kulturën Shqiptare.
Një numër afërsisht i njëjtë do të marrë pjesë në kurset e gjuhës shqipe që zhvillohen në tri nivele.
Studiuesit do të nxjerrin në pah hulumtime në tri temat boshte të Seminarit që këtë vit janë: “Qendrat e zhvillimit të shqipes” në sesionin e gjuhësisë, “Fakti dhe fiksioni në letërsi” në seksionin e letërsisë dhe “Media dhe identiteti kulturor” në seksionin e kulturorologjisë.
Përvecc ligjëratave, referimeve dhe kurseve, gjatë edicionit të 66-të të Seminarit që do të zgjasë deri më 25 gusht, pjesëmarrësit do të zhvillojnë edhe vizita në disa nga atraksionet natyrore dhe kulturore të Kosovës, shkruan “Koha Ditore”.
Sipas drejtorit të Seminarit, Rrahman Paçarizi, ideja e temës “Qendrat e zhvillimit të shqipes” është të trajtohen qendrat dhe pikat e referencës që kanë të bëjnë me gjuhën shqipe dhe studimet për të. /tesheshi.com/
