Rrësheni, një qytet që deri dje njihej si i qetë, është tronditur sërish nga një tjetër vrasje m’u në qendër.
Kastriot Reçi, 47 vjeç, pronar i një televizioni lokal – Media plus-tv, u ekzekutua nga dy persona.
“Sot, rreth orës 11:05, në afërsi të një lokali në Rreshen, Mirditë, në rrethana ende të paqarta është vrarë me armë zjarri shtetasi Kastriot Reçi, 47 vjeç
Grupi hetimor po punon për zbardhjen e rrethanave të ngjarjes me qëllim identifikimin dhe kapjen e autorit/eve.
Shërbimet e Policisë të D.V.P. Lezhë, të Komisariatit të Policisë Mirditë, po krehin zonën si dhe janë ngritur pika kontrolli për kapjen e autorit/eve”, thuhet në njoftimin e policisë.
Dy vite më parë, atij i kishin ekzekutuar dhe të vëllanë në Itali, Gaspër Reçi.
Edhe dy vrasje të tjera kanë tronditur Rrëshenin vitet e fundit: ajo e
Saimir Jakut, ish-drejtor i Sistemit të Operatorit Shpërndarës, si dhe e Armando Gjinit, i njohur si pjesë e grupit të Met Kananit. /tesheshi.com/
