Një grua është dhunuar nga ish-kunati i saj, i cili nuk ka nguruar që të njëjtin akt ta bëjë edhe për mbesat e tij.
Çudia qëndron në faktin se prokuroria e Elbasanit në vend që të proçedojë dhunuesin ka lëshuar një urdhër mbrojtjeje për të.
Vera Kodra me origjinë nga Orenja e Librazhdit kërkon ndihmë për mbrojtje nga familja e ish-burrit dhe ish-kunati i saj. Ajo ankohet se ish-kunati ka rrahur atë edhe dy vajzat e saj të mitura.
Ajo ka kryer kallëzim penal në Prokurorinë e Elbasanit; por çuditërisht ai që ka fituar urdhër mbrojtje ka qenë dhunuesi, transmeton infoelbasani.al.
Vera Kodra ka denoncuar disa herë dhunën në polici por nuk ka marrë zgjidhje. Gruaja shprehet se më datën 27 gusht, ish-kunati K. Kodra, së bashku me djalin e motrës së tij, shkuan për ta rrahur.
“Isha duke futur drutë e dimrit në shtëpi kur erdhën dhe po më ofendonin. U përpoqa me gjithë forcën time që të mos hynin në shtëpi, por nuk munda. U largova me vrap. Ish kunati vërtet është i verbër, por po të futi në dorë vetëm dru di të japë.
E njihja shumë mirë se çfarë karakteri kishte, sepse ishte mjaft i dhunshëm, rrihte vëllain, mua, fëmijët. Ndaj ika me vrap. Dola nga pas shtëpisë për të marrë policinë..
I doli vajza përpara Blerina. Por ai po e rrihte. Dëgjoja ulërimat e vajzës që rrihej. Kam jetuar gjënë më të tmerrshme të jetës sime. Kur pashë vajzën të gjakosur dhe të lënduar në fytyrë nuk e doja veten. Gjaku i dilte nga hunda dhe goja”, rrëfen Vera Kodra. /tesheshi.com/
