Fabula “fol që të shpëtosh” ka funksionuar më së miri me italianin 69-vjeçar, Guido Guidi, i cili u ul dje paradite me një avion Piper në zonën e Ishmit mes Durrësit dhe Fushë Krujës.
Në këmbim të lirisë, ai ka treguar gjithçka para hetuesve të Krimeve të Rënda, qëllimin përse kishte ardhur dhe njerëzit e interesuar për një udhëtim transportues droge drejt Italisë.
Autoritetet shqiptare kanë vendosur më pas ta lënë në gjendje të lirë, për t’u marrë sërish në pyetje.
Ndërkohë, ka reaguar Partia Demokratike me anë të një deklarate, nëpërmjet së cilës ka akuzuar ministrin e Rendit si dekonspirues të hetimeve duke bërë publike faktin e rrëfimit të italianit.
Sipas PD-së, Guidi ka përmendur emra dhe për lëtë arsye, Tahiri po u lë kohë trafikantëve shqiptarë që të fshihen. Ndërkohë, për dekonspirim të aksionit, mbrëmë u shoqërua në prokurori gazetari Artan Hoxha, i cili qe i pari që dha lajmin se piloti italian po rrëfehej para hetuesve. /tesheshi.com/
