Ka shumë nga ata lojtarë që futbollin e kanë zhvilluar gradualisht, me skuadra zinxhir, ka nga ata që e kanë nisur edhe në rrugë, por pakkush mund të jetë, që futbollin e ka praktikuar e është stërvitur në burg. Kështu ka ndodhur me yllin e ri të futbollit brazilian, Gabriel Zhezus, që luan aktualisht me Mancester Sity-n.
Por 20-vjeçari nuk është se ka patur ndonjëherë probleme me drejtësinë, thjesht ka qëlluar të stërvitet, në një ambjent burgu, që ruhej me roje, e ku të burgosurit nuk kalonin, por ishte ndërtuar vetëm për argëtimin e oficerëve të shërbimit aty. Vetë sulmuesi, e ka “detyrim” ta sqarojë si ka qenë puna, thuajse në çdo intervistë që jep, e kudo që e përmend si fakt.
“Kur isha i vogël stërvitesha në një fushë brenda burgut të Romao Gomes. I përkiste policisë dhe ishte larg të këqinjve, vetëm policët luanin aty. Thuajse të gjithë më pyesnin mos isha i dënuar që luaja aty, por unë thjesht e përdorja si fushë për stërvitje dhe policët më ndihmonin. Mbase ka ndikuar edhe në karakterin tim, pasi unë nuk kam frikë nga asgjë”- ka thënë sulmuesi brazilian.
I ngacmuar edhe për mardhënien me trajnerin e tij tek Mancester Sity, Pep Guardiola, Zhezus shprehet me superlativa dhe falenderime, natyrisht duke bërë edhe ndonjë shaka të vogël: “Më duket se ka gjithnjë dicka që nuk e kënaq. Më kërkon t’i afrohem në ndeshje, e më thotë se duhet të ruhem nga mbrojtësit që të mos më nxjerrin pozicion jashtë loje. Natyrisht që e bën për të mirën time dhe falë këshillave të tij, unë jam shprehur mirë në Premier Legue, një kampionat pak i vështirë për brazilianët”– deklaron 20-vjeçari. /tesheshi.com/
