Carrie Hall Volmert nuk e dinte që më 28 shkurt 2016, ajo do e vendoste vajzën e saj Sammie Joyce në krevat për herë të fundit.
Ajo foli për tragjedinë që ndodhime qëllim për të parandaluar që e njëjta gjë të ndodhte me prindërit e tjerë.
“Atë natë i vesha pizhamet, i fshiva hundët dhe e mbajta në krahët e mi nëpër dhomën e ndenjes ndërsa ajo me krenari i uroi babait të saj dhe vëllait të madh ‘natën e mirë’.
E çova në dhomën e saj e saj, një kat më poshtë. Ajo qau pak dhe dola nga dhoma duke e ditur se do t’a zinte gjumi brenda dy minutash, si zakonisht. Kurrë nuk e mendoja se ishte hera e fundit që do e shihja në jetë,” tregoi ajo në Facebook.
Të nesërmen në mëngjes, Carrie ishte duke përgatitur kafe në kuzhinë kur dëgjoi britmat e tmerrshme të burrit të saj.
“Ai bërtiti, ‘Carrie!’ Unë e dija që diçka nuk shkonte. Ai më thirri dhe vrapoi në korridorin lart duke thënë: Duket se Sammie ka vdekur! Përpjekjet në reanimacion dështuan dhe 50 minuta më vonë ajo u shpall e vdekur në spital,” shton ajo.
Sammie u zbulua se kishte vdekur nga hipertermia e shkaktuar nga dështimi i një termostati. Edhe pse termostati tregoi se temperatura ishte normale, ishte shumë më e lartë. Dhoma e prindërve ishte larg saj dhe ata nuk kishin idenë se vajza e tyre e vogël ishte e ekspozuar ndaj temperaturave të larta të ajrit në mënyrë të rrezikshme.
Mjekët besojnë se Sammie vdiq në gjumë sepse fëmijët e vegjël nuk mund të rregullojnë temperaturën e trupit në mënyrë efektive si fëmijët e moshuar dhe të rriturit.
“Ne duam që të tjerët, veçanërisht ata që e kanë dhomën larg fëmijëve, ose në kate të ndryshme, të dëgjojnë historinë e vajzës sonë në mënyrë që të mund të mbrojnë fëmijët e tyre dhe t’i kursejnë vetes pikëllimin e tmerrshëm që vuajmë çdo ditë,” përfundoi Kerry. /tesheshi.com/
