Dikur ligjëronte para biologëve e ekologëve të së ardhmes në Kosovë, e tani pensioni nuk i mjafton as për të blerë ndonjë botim më të ri në këto fusha.
Ky është pensionisti Esat Dauti i cili për vite ka ligjëruar lëndën e Ekologjisë në Katedrën e Biologjisë në Universitetin e Prishtinë.
Institucionet e Kosovës, sipas tij, nuk e kanë shpaguar kontributin e tyre që kanë dhënë me vite e vite.
“Shteti është dashur që për këta njerëz që kanë dhënë shumë, t’u japin privilegje, ta kenë shërbimin mjekësor pa pagesë, ajo është esenciale, sepse askush nuk vdes sot nga uria. Ajo është elementare (shërbimet mjekësore). Këtë nuk e kanë bërë e kjo ndihet shumë. Profesori i universitetit ka nevojë të lexojë, ka nevojë të ketë kompjuterin, unë i kam, por jo që kam mundur t’i arrij me të ardhurat nga pensioni”, thotë ai për Radio “Evropa e Lirë”.
Profesori Dauti tregon se shtylla mbi të cilën mbështetet që nga pensionimi, janë dy djemtë dhe vajza e tij, të cilët punojnë e jetojnë në Britaninë e Madhe dhe Shtetet e Bashkuara të Amerikës. /tesheshi.com/
