Nga Mensur Krasniqi
Kryetari i Kongresit Botëror Maqedonas, njëherit edhe iniciatori për vendosjen e kryqit gjigant në lartësi prej 55 metrash në komunën Butel të Shkupit, Todor Petrov, për herë të parë ka dalë me deklaratë duke zbuluar edhe identitetin e atyre që e kishin rrahur disa orë pas inagurimit të gurthemelit të kryqit. Ai në profilin e tij në facebook ka akuzuar zyrtarët e lartë të Bashkimit Demokratik për Integrim, gjegjësisht Bekir Asanin, kryetar i degës Çair dhe Izet Mexhitin, kryetar i komunës Çair si sulmuesit kryesor ndaj tij. Në vazhdim portali tesheshi.com për lexuesit e saj ka përkthyer statusin e plotë, ku Todor Petrov sqaron në detaje se si ku dhe nga kush është rrahur?!
“Pasi që mbaroi vënia e gurthemelit për kryqin, unë me dy shokë morrëm rrugën për në Gazi Babë, dhe atyre i’u propozova që të ulemi për një çorbë në restorantin “Kazabllanka” në hyrje të saemit të Shkupit. Kisha ftesa edhe për vende tjera, por thash, do ta marr laptopin nga komuna, do hamë nga një çorbë në restorant dhe do shkoj në shtëpi të pushoj. Desha të iki nga njerëzit, apo ndonjë provokim eventual, ishte një ditë e veçantë..
Po sa hymë në restorant, brenda nuk kishte mysafirë, asnjë përveç kamarrierëve. Koha ishte me diell, dhe propozova të ulemi jashtë në terrasë. Pashë që kishte një grup meshkujsh, njëzet, dhe një tavolinë tjetër me dy tre persona, ndërsa tavolinat tjera nuk ishin të vendosura dhe u kthyem brenda në restorant. Ishte e dukshme që tavolina prej 20 personave më njohën dhe komentonin për mua. Mendoja, janë mysafirë me qëllime të caktuara. Zgjodha tavolinën, e lash celularin dhe çantën dhe shkova në drejtim të toaletit që ti lajë duart. Kështu dy persona të rinjë në moshë vrapuan pas mua, ata ishin nga grupa e ulur jashtë në terrasë, më kërkonin ku jam në toalet. Një fuqi më ktheu, dhe thash nëse hyjnë pas meje në toalet mund të mos dalë. U ktheva në restorant, dhe thash nëse më rrahin të paktën mund të thërras ndihmë. Dhe menjëherë pas garderobës së toaletit filluan të më sulmojnë dhe rrahin me boksa nga koka. U tërhoqa deri në separenë e garderobës, i mbrojsha bubrekët dhe shpinën në skajin e murrit dhe me duar në kokë. Erdhën edhe 3 tjerë dhe vazhduan të gjithë me boksa nga koka dhe trupi. Më rrahu edhe Beqir Asani, shefi i degës së BDI-së në Çair. Hypi njëri në tavolinë, dhe me shqelma më godiste nga koka, ashtu siç isha i gërmucur. Mendova se do më mbysin. I pyeta disa herë derisa më rrahnin “Çka ju bëra”? Më thonin “Ti do të ndërtosh kryqa a?” dhe “Në Çair të mos shkelsh më”! “Në Çair të mos shohim”! Kërkova ndihmë dhe polici, ndërsa askush nuk më dëgjonte, asnjë kamarrier nuk më ndihmoi..,Njëri nga shokët e mi u mundua të ndihmon, por edhe atë e goditën dhe e larguan. Shoku tjetër vrapoi dhe thërriti policinë. Në fund të përleshjes, nga terasa hyri në restorant edhe Izet Mexhiti, kryetari i komunës së Çairit, dhe nënkryetar i BDI-së, u shikuam mirë, asgjë nuk folëm, më pa të përgjakur dhe për tokë, dhe me shokët ikën. Nuk mund të mos e dijë se çka bërën bashkëpartiakët e tij, së bashku në të njëjtën tavolinë ishin ulur. Ai nuk më shpëtoi! Ndërsa zyrtarisht kemi bashkëpunuar me Mexhitin, unë jam ndihmës i kryetarit komunës në Gazi Babë. Jemi përshëndetur me Mexhitin në takime zyrtare me një respekt të mirë. Me ftesë të tij isha në delegacionin e Kongresit Botëror Maqedonas, vendosa lule në përmendoren e Skënderbeut në Çarshi të vjetër. Ishim në shumë evenimente tjera bashkë. Si atëherë nuk ishim, dhe tani për shkak të kryqit, ne për BDI-në jemi qendër kundër shqiptarëve?”, pyet Petrov ndër të tjerash në profilin e tij në Facebook. /tesheshi.com/
