Gazetarja palestineze Latifa Abdullatif tha se ajo u sulmua nga policia izraelite dhe iu hoqi shamia ndërsa u përpoq të filmonte arrestimin e një të mituri në East Al-Quds (Jeruzalemi Lindor).
Ajo tha se ai moment ishte shumë i dhimbshëm dhe shqetësues për të, raporton Anadolu Agency (AA).
Abdullatif ka ndjekur ngjarjet në Al-Qudsin Lindor të okupuar që nga viti 2015, dhe në një intervistë për AA, ajo tha se ishte përballur me dhunë nga policia izraelite shumë herë gjatë asaj periudhe. Ajo shtoi se në vitin 2017 madje ishte plagosur, por që u sulmua për herë të parë në një mënyrë që policia i hoqi shaminë.
Një video që tregon sulmin brutal nga policia izraelite ndaj gazetares Abdullatif u postua në rrjetet sociale, ku ajo hasi në reagime të shumta.
Duke treguar se të martën, 18 maj, ajo ndoqi një tubim paqësor të palestinezëve pranë portave të Damaskut, në Qytetin e Vjetër të Al-Qudsit Lindor, Abdullatif tha se policia izraelite u përpoq të arrestonte një dhjetëvjeçar dhe një adoleshent.
“Një oficere policie më hoqi shaminë pa asnjë justifikim. Duke mos kuptuar se çfarë po ndodhte, unë isha e hutuar dhe fillova të qaja,” tha Abdullatif.
Ajo tha se ishte e shokuar nga trajtimi i policisë dhe se ndjeu dhimbjen e rrahjeve atë ditë vetëm pas disa orësh për shkak të tronditjes.
“Sidoqoftë, ishte shumë e dhimbshme për mua kur një grua policore izraelite më hoqi shaminë. Më goditi sepse ishte një akt shumë provokues. Nuk kishte asnjë justifikim për të dhe nuk mund të gjej ndonjë shpjegim,” tha Abdullatif.
Ajo shpjegoi se si një grup të rinjsh më pas shkuan në polici për ta lejuar atë të merrte një shami dhe të mbulonte kokën.
Të paktën 17 gazetarë, përfshirë tre gazetarë AA, u rrahën ose u plagosën me municion plastik në ndërhyrjet dhe sulmet e fundit nga policia izraelite. /tesheshi.com/
