Një fëmijë që ishte në rrezik për jetë nga një goditje elektrike qe jaft fatlum pasi pranë tij u gjet një profesionist i mjekësor, Drejtori i Emergjencës në Qendrën Klinike Universitare të Kosovës, Dr. Basri Lenjani.
Lenjani, i cili për shumë vite ushtron profesionin e specialistit të mjekësisë emergjente, e ka shpjeguar në detaje rrjedhën e ngjarjes në një postim në Facebook, ku ka treguar se si e ka shpëtuar fëmijën 7-vjeçar në plazhin e Durrësit.
Lenjani ka thënë se nuk ka gjë më të bukur se sa të shpëtohet jeta e një fëmije.
Shkrimi i plotë:
“Në mesditë, në plazhin e Durrësit tek Shkëmbi i Kavajës, ndodh një ngjarje aksidentale kur fëmija 7-vjeçar pëson goditje nga rryma elektrike. Dëgjoj britmat e familjarëve, vrapoj menjëherë të shoh se çka po ndodh, dhe pa humbur kohë marrë masat e menjëhershme duke larguar nga zona e rrezikshmërisë fëmijën e aksidentuar, duke vendosur viktimën në një zonë më të sigurt.
Filloj menjëherë me masat emergjente specifike BLS-ABC tek goditja elektrike në vendin e ngjarjes: për 1 minutë vlerësim i shpejtë i shenjave jetësore 5 minuta BLS-ABC dhe pas stabilizimit të shenjave jetësore 4 minuta transport me kujdes deri në njësinë e kujdesit urgjent afër plazhit. Pas vlerësimit nga stafi mjekësor i njësisë të ndihmës së parë fëmija urgjent transportohet në spitalin e Durrësit për trajtim të mëtutjeshëm.
Përgëzoj stafin mjekësor të njësisë së Durrësit për profesionalizëm dhe qasje të shpejtë emergjente.
Ju falënderojë shumë kolegë dhe uroj suksese në vazhdimësi në profesionin tuaj të shenjtë”, përfundon doktori kosovar rrëfimin e tij. /tesheshi.com/
