Portieri i Juventusit dhe kombëtares së Italisë, Gianluigi Buffon, në një intervistë për “Copa90”, ka përzgjedhur disa prej lojtarëve më të mirë që ka luajtur, apo i ka pasur kundërshtarë.
“Jam shumë miqësor me mbrojtësit dhe i urrej sulmuesit”, ka thënë 39-vjeçari me shaka, para se t’i thoshte emrat e yjeve të futbollit.
“Do të thosha se më të fortit ndaj të cilëve kam luajtur janë Ronaldo – braziliani, Lionel Messi, Cristiano Ronaldo dhe Zinedine Zidane.
Pas këtyre do të flisja për bashkëlojtarët e mi, mbrojtësit me të cilët kam luajtur – duke filluar nga (Lilian) Thuram, (Fabio) Cannavaro e (Ciro) Ferrara deri te (Giorgio) Chiellini, (Andrea) Barzagli, (Leonardo) Bonuçi e (Daniele) Rugani”, shprehet portieri italian.
Në vijim ai shton se për ta pasur rezultate të shkëlqyera në mbrojtje duhet mbështetje njerëzore dhe unë kam qenë gjithmonë i suksesshëm për këtë gjë.
“Në mesin e italianëve, sa i përket talentit, do të përmendja (Andrea) Pirlon, (Francesco) Tottin, (Alessandro) Del Pieron dhe Roberto Baggion. Për t’i bërë pesë, do ta përfshij edhe Paolo Maldinin”.
Legjenda italiane e futbollit është pyetur edhe për fanellën e tij të preferuar dhe natyrisht se e ka zgjedhur atë të Italisë.
“Gjithmonë e kam dhënë maksimumin për ekipet e mia dhe gjithmonë kam gjetur një vlerë të rëndësishme për të luftuar në fushë. Kam pasur vetëm tre ekipe: Parma, Juventusi dhe Italia.
Kam qenë shumë me fat që e kam veshur fanellën e Azzurrëve që është si lakuara ime e dytë, ka qenë një dhuratë e madhe”, ka deklaruar Buffon. /tesheshi.com/
