Ka njerëz që kanë rrathë të errët poshtë syve, edhe në moshë të re. Me kalimin e moshës, përgjithësisht rrathët poshtë syve forcohen, pasi trupi humbet hidratimin dhe nuk përthith plotësisht vitaminat nga ushqimi.
Por, nëse jeni në moshë të re, rrathët e zinj poshtë syve krijohen ose nga lodhja e pagjumësia, me raste, ose keni probleme me dietën ushqimore.
Anemia është një ndër shkaqet e shfaqjes së rrathëve të errët poshtë syve. Një analizë gjaku do të ishte shumë mirë përpara se të nisni një dietë të pasur me proteina, magnez, hekur.
Disa nga shkaqet më të zakonshme të rrathëve të errët janë edhe probleme të stilit të jetesës si lodhja për një kohë të gjatë, dehidratimi apo edhe trashëgimia.
Ndërroni stilin e jetës dhe të të ushqyerit për rezultate të dukshme.
Parandalimi më i mirë i rrathëve të errët vjen nga të ushqyerit mirë, gjumi i rehatshëm dhe reduktimi i stresit dhe lodhjes. Zbatojini këto rregulla dhe mos harroni edhe kompreso me ujë të ftohtë syve në mëngjes dhe në darkë. /tesheshi.com/
