“Për mua si femër dhe sidomos për dikë nga Brunei kjo është një arritje e madhe. Kjo tregon se gjeneratat e reja dhe aq më tepër vajzat, nëse duan diçka mund ta arrijnë.”
Kompania e parë e fluturimit vetëm me pilote femra zbarkon në Xhidde në Saudi.
Për të përkujtuar festën kombëtare të pavarsisë së Bruneit, kapitenja Sharifah Czarena Surainy Syed Hashim dhe dy oficeret Dk Nadiah Pg Khashiem dhe Sariana Nordin drejtuan avionin BI081, të tipit Boeing 787 Dreamliner, për në vendet e Lindjes së Mesme me 23 shkurt.
Kjo erdhi vetëm tre vjet pasi kapitenja Czarena u bë e para kapitene femër e një kompanie kombëtare në Azinë julindore. Ajo tha për The Brunei Time në vitin 2012: “Të qeni pilot zakonisht shihet si një vend pune i dominuar nga meshkujt.”
“Për mua si femër dhe sidomos për dikë nga Brunei kjo është një arritje e madhe. Kjo tregon se gjeneratat e reja dhe aq më tepër vajzat nëse duan diçka mund ta arrijnë atë,” tha kapitenja.
Me sa duket, Royal Brunei Airlines ka vendosur të punësojë akoma më shumë pilote femra, për më tepër ka nisur një program trajnues për femra dhe meshkuj.
Një ndër etapat e kompanisë ishte dhe fluturimi për në Xheddah ku femrat ende sot në 2016-ën përballen me ligje diskriminuese ashtu si dhe me rregullin për të mos ngarë makinën, që në vetvete nuk është një ligj i shkruar por një normë e imponuar. Madje vitet e fundit femrat kanë protestuar nëpër mediat sociale kundër detyrimit për të qëndruar pas në makinë.
Në dhjetor 2014, Loujain al-Hathloul u mbajt në paraburgim pasi provoi t’i jepte makinës së saj nga Emiratet e Bashkuara Arabe drejt Arabisë Saudite. Një mikeshë e saja, Maysa al-Amoudi, u përpoq ta përkrahte dhe për këtë edhe ajo u mbajt në paraburgim dhe të dyja u liruan pas 70 ditësh.
Sarah Leah Whitson, përfaqësuesja e Lindjes së Mesme dhe Afrikës Veriore për Human Rights Watch, pati thënë asokohe: “Pas shumë premtimesh të kota se do t’i japnin fund këtij vendimi, përsëri autoritetet saudite vazhdojnë t’i arrestojnë femrat që protestojnë të ulen pas në makinë. Turp është për qeverinë saudite dhe jo për femrat që protestojnë për të drejtat e tyre”
Marrë nga: The Indipendent
Përgatiti: Nada Dosti – /tesheshi.com/
