Presidenti i Iranit Hassan Rouhani tha .se Irani do të respektojë premtimet mbi programin bërthamor.
Në një fjalim televiziv, Rouhani përshëndeti arritjen nga Irani të deklaratës së përbashkët me 6 vendet ( SHBA,Britani, Francë, Kinë, Rusi dhe Gjermani )për programin bërthamor. Ai theksoi, “Si kusht paraprak që palët duhet të respektojnë premtimet e bëra gjatë bisedimeve mbi problemin bërthamor, edhe Irani do të respektojë premtimet dhe detyrimet përkatëse.”
Rouhani tha se pas heqjes së sanksioneve me arritjen e marrëveshjes Irani do të vazhdojë të merret me pasurimin e uraniumit në territorin e vet dhe të ruajë teknologjinë bërthamore. “Kjo vërteton se veprimtaritë bërthamore në Iran janë paqësore dhe nuk përbëjnë kërcënim ndaj vendeve të tjera,” shtoi presidenti iranian. Ai shtoi se “Pasurimi i uraniumit ka vlerë, vetëm kur garantohen ekonomia dhe jetesa e popullit. Tani do të hedhim një hap tjetër drejt këtij objektivi.”
