Rikthimi në “shtëpi” i Wayne Rooney, i cili nënshkroi me Everton pas 13 viteve aktivizim tek Manchester United, u kthye në çështje dite në Angli.
Por sulmuesi në daljen e parë publike me fanellën që veshi për herë të parë në Premier League, kur ishte vetëm 16 vjeç, ka dëshmuar se thellë-thellë, ndihej pjesë e Everton edhe kur nuk ishte pjesë e skuadrës.
“Për 13 vjet kam luajtur me fanellën e Manchester, por çdo natë të këtyre viteve, kam fjetur me pizhamat e Everton”- është shprehur 31 vjeçari.
Në rastin e sulmuesit anglez, ka patur vlerë ajo që njihet si “thirrja e shtëpisë”, pasi për t’u rikthyer tek Everton, ai ka kërkuar largimin nga Manchester, ka pranuar përgjysmimin e rrogës, si edhe ka refuzuar ofertat marramendëse nga Kina.
Ndonjëherë të madh nuk të bën vlera në treg, por edhe zgjedhjet e zemrës. /tesheshi.com/
