Kristiano Ronaldo mund të dënohet deri në 12 javë pa luajtur, për shkak se shtyu arbitrin, pas të kuqes që ai i dha në ndeshjen e parë të Superkupës së Spanjës, që Reali fitoi në Kamp Nou me Barcelonën.
Ylli portugez që hyri si zëvendësues, u kthye brenda pak minutash në protagonist, duke shënuar golin e avantazhit për Realin, e më pas, duke marrë karton të verdhë, për shkak se hoqi fanellën gjatë gëzimit të golit.
Pak minuta më vonë, ai është rrëzuar në zonën e kundërshtarit dhe ka pretenduar për një penallti, por gjyqtari e konsideroi simulim dhe i tundi para fytyrës të verdhën e dytë, cka përkthehet në të kuqe dhe nxjerrje jashtë fushe.
Në këtë moment, Lojtari më i mirë i botës e ka humbur toruan dhe e ka shtyrë arbitrin. Pikërisht për këtë xhest, ai mund të penalizohet nga drejtuesit e Federatës së futbollit në Spanjë, deri në 12 ndeshje.
Nëse kjo ndodh, 31 vjecari do të humbë, përvec ndeshjen e kthimit me Barcelonën për Superkupë, edhe 2 muaj të kampionatit spanjoll. Natyrisht klubi madrilen po përpiqet t’i paraprijë këtij vendimi, duke publikuar sekuenca fotosh, ku përpiqet të japë bindjen se pretendimi i Ronaldos për penallti ishte i drejtë, si edhe për të provuar se e shtyra që portugezi i bëri arbitrit, ishte fare e lehtë dhe jo akt i dhunshëm. /tesheshi.com/
