Ylli portugez i Realit, Kristiano Ronaldo ka shprehur dhembjen e tij të thellë për gjendjen e fëmijëve në Sirinë e shkatërruar nga lufta, dhe njëkohësisht ka dhuruar donacione për të ndihmuar furnizimin me gjëra emergjente në Halep.
Save the Children thotë se “dhurimi bujar” i yllit të Real Madridit do të financojë shpenzimet e ushqimit, veshmbathjes dhe kujdesit mjekësor për familjet në Halep dhe në gjithë Sirinë.
Në një video-mesazh, Ronaldo thotë se ia përcjellë atë fëmijëve të Sirisë.
“Ne e dimë që ju keni qenë duke vuajtur shumë. Unë jam një lojtar shumë i njohur, por ju jeni heronjtë e vërtetë. Mos e humbni shpresën tuaj. Bota është me ju. Ne kujdesemi për ju. Unë jam me ju.”
Kjo sjellje e Ronaldos vjen në një kohë kur Halepi ndodhet ende nën agoninë e një lufte mizore, ku viktimat më të shumta kanë qenë fëmijë.
Ylli i madrilenëve njihet për filantropizmin e tij shembullor. Edhe pse me milionat që fiton ia bën qejfin vetes, ai kurrë nuk harron të ndihmojë nevojarët dhe të solidarizohet me ata që u bëhet padrejtësi në këtë botë. /tesheshi.com/
https://youtu.be/_wWKPwEFOLg
