Ylli portugez, Cristiano Ronaldo, po ndihmon në arritjen e nënshkrimit të marrëveshjes mes portierit të Manchester Unitedit, David de Gea, dhe Real Madrid
Sipas spanjolles “Don Balon”, Ronaldo po bën fushatë për De Gean për t’u bashkuar me të te Real Madrid.
De Gea ishte në prag të transferimit në Bernabeu në vitin 2015, por vetëm për një gabim të faksit nuk arriti të përfundojë marrëveshjen.
Por, portieri spanjoll mbetet ende një objektiv madhor për fituesit e dy herë radhazi të Ligës së Kampionëve.
Ronaldo dëshiron të ndihmojë agjentin Jorge Mendes të sjellë portierin e Djajve të Kuq në kryeqytetin spanjoll.
Ardhja e De Geas ka të ngjarë të shënojë fundin për Keylor Navas, i cili ka mbrojtur me sukses portën e Mbretërve./tesheshi.com/
