Cristiano Ronaldo mund të luajë sërish në Evropë nga sezoni i ardhshëm, të paktën kështu pretendohet në mediat arabe.
“Lajmi i fundit: Një klub portugez dëshiron të nënshkruajë për të sjellë Ronaldon, gjithnjë nëse lojtari shpreh dëshirën e tij për t’u larguar nga Arabia Saudite,” shkruhet në njërën prej tyre
Nuk është e vështirë të merret me mend se është Sporting nga Lisbona, klubi ku Ronaldo hodhi hapat e tij të parë. Do të ishte një rikthim pas 21 vitesh lojë jashtë vendit.
Sportingu është një nga klubet më të mëdha portugeze dhe këtë sezon është në rrugë të shkëlqyer për të fituar titullin jubilar të 20-të të ligës.
Ronaldo mund ta ketë kuptuar se kampionati saudit nuk është për të, ndaj mund të vendosë të kthehet në Sporting, raporton SportAM. /tesheshi.com/
