Sulmuesi i Juventusit Cristiano Ronaldo beson se “rivaliteti i shëndetshëm” mes tij dhe homologut të Barcelonës, Lionel Messi, e bëri atë lojtar më të mirë. Ronaldo kaloi nëntë vjet te Real Madrid para se të bashkohej me Juventusin në 2018 dhe Messi së fundmi pranoi që dyshja nxiti njëri-tjetrin në përpjekjen e tyre për arritje individuale.
“Kjo është sigurisht e vërtetë. Unë e ndjeva praninë e tij më shumë në Madrid sesa në Manchester. Ishte një rivalitet i shëndetshëm. Ne ishim simbolet e klubeve tona. Është gjithmonë mirë të flitet në terma superlativë. Është ndjenjë e bukur kur thonë se Ronaldo ka qenë më i miri, një lojtar fantastik.
Sot, dëgjoj gjithçka që thonë për mua, por kur të përfundojë e gjitha, pra në fund të karrierës sime, nuk do të shqetësohem aspak sepse do të shkëputem nga gjithçka.
Para së gjithash, ju duhet talent, përndryshe nuk do të arrini edhe aq”, tha ai. “Sidoqoftë, talenti është i kotë pa punë të madhe”, përfundon Ronaldo.
Portugezi është i njohur për përkushtimin e tij në stërvitje dhe këmbëngul se puna e madhe në fushë e ka ndihmuar që të bëhet një nga sulmuesit më të vlerësuar.
Si Messi edhe Ronaldo kanë fituar çmimin e lakmueshëm “Topi i Artë” dhe konsiderohen të jenë dy nga lojtarët më të mëdhenj të të gjitha kohërave. /tesheshi.com/
