Ylli portugez i Realit, Cristiano Ronaldo tha se ishte i lumtur me çfarë kishte deri më tani në futboll. Ndaj, ai shtoi se edhe po ta linte fushën e lojës, por dhe po ta vazhdonte, kjo nuk ndryshonte asgjë në përjetimin e tij pas gjithë këtyre viteve karrierë.
“Kam arritur gjithçka që kam ëndërruar në futboll. Me të vërtetë mendoj se kam arritur kaq shumë gjëra të bukura, sa që nuk ëndërroj më për ndonjë gjë tjetër. Por, nëse më pyesni nëse dua të vazhdoj të fitoj, sigurisht që dua. Natyrisht, do të doja të fitoj Botërorin, por edhe nëse karriera ime përfundon në këtë moment, do të isha shumë krenar. Unë kurrë nuk kam menduar se karriera ime do të ishte aq e mirë”, tha portugezi simpatik.
Ndërkohë, ai as që e ka vënë ndonjëherë në dyshim se karrierën do donte ta përfundonte te Reali, pa futur në llogari asnjë klub tjetër. Ai erdhi në Madrid nga Manchester United, si një përgjedhje e sër Alex Fergosun, ku sigurisht shkëlqeu, pasi e nisi te Sportingu i Lisbonës. /tesheshi.com/
